السبت، 28 يوليو 2012
رمضان كريييم
كل رمضان وانتم جميعا بخير ويارب نكون كلنا متابعين الصلاه ومداومين عليها ونقلل شويه من المسلسلات لأنها سوف تعاد بعد رمضان ان شاء الله لكن رمضان مش ضامنين نعيده تاني اللهم بلغنا رمضان الجاي وامانه لكل من يقراء هذه السطور ان يصل رحمه في هذا الشهر الكريم حتي لو زعلان من اي حد يكفي ان نبداء برنه من الجوالاو رساله حلوهلن اطيل عليكم وانا سعيده ان عدد اصحابي في مدونتي صار 7 سبعه اخوه ويارب في زيادهكل رمضان وانتم بخير
الأربعاء، 18 يوليو 2012
يابخت مين يقدر يقول
يا بخت من يقدر يقول
واللي في ضميره يطلعه
يا بخت من يقدر يفضفض بالكلام
وكل واحد يسمعه
يقف في وسط الناس ويصرخ : آه يا ناس
ولا ملام
ييجي الطبيب يحكي له ع اللى بيوجعه
يكشف مكان الجرح ويحط الدوا
ولو انكوى
يقدر ينوح
وانا اللي مليان بالجروح
ما اقدرش اقول
ما اقدرش ابوح
والسهم يسكن صدري ما اقدرش انزعه
شوفي قد ايه ؟
احنا النهاردة إيه فى أيام السنة .
شتا والا صيف ..
وفين انا ..
إيه اللى وصلنى هنا ..
أنا صاحب البيت والا ضيف ..
صوتي انحبس ..
ما اقدرش اقول ..
ما اعرفش حاجة عشان اقول ..
ما اعرفش غيرك انتى بس ..
يا بت يا للى ف حبك العقل اتهوس ..
مكان غريب ..
كأنه سجن كأنه مخدع لحبيب ..
كأنه بير ..
شباك حديد وعليه ستاير من حرير ..
والريح بينفد منه زى المسامير ..
الريح عوى ..
قلبي انقبض ..
قلبي اتلوى ..
الشمس تلج اصفر شعاعها صاروخ هوا ..
الضلمة تلج اسود كتير ..
ألوف ألوف القناطير ..
خبينى فى شعورك يا بت ..
أحسن عروقى اتخشبت ..
شعرك خشن زى الحِرام الصوف يا بت ..
خبينى فيه م الزمهرير ..
ونيمينى فى السرير ..
دخل النبى بردان خديجة لَفته ..
حطت عليه غطيان لحد ما دفته ..
دخل النبى بردان وقال: فين الغطا ..
البسمة غطت شِفته ..
صلاح جاهين
الاثنين، 16 يوليو 2012
رباعيات صلاح جاهين
ورا كل شباك ألف عين مفتوحين
و انا وانتي ماشيين يا غرامي الحزين
لو التصقنا نموت بضربة حجر
و لو افترقنا نموت متحسرين
عجبي !!!
أحب أعيش ولو في الغابات
أصحي كما ولدتني أمي و ابات
طائر .. حوان.. حشرة .. بشر ..بس أعيش
محلا الحياة.. حتي في هيئة نبات
عجبي !
يا باب يا مقفول ... إمتى الدخول
صبرت ياما و اللي يصبر ينول
دقيت سنين ... و الرد يرجع لي : مين ؟
لو كنت عارف مين أنا كنت أقول
عجبي !!!
كـل الأحبة عـلى حـبال الـهوى طـالعه
فـاكـرين نجـوم السما شبابيك غرام والعه
أنـظر لروميو الجرىء طالع يشوف جوليت
تعـرف بـإن الغـرام يكـره بيـبان البيت
وإن كـنت حبـيت مـا تـهزم قلـبك القلعه................وعجبي!!!
!
ليه ياحبيبي مابينا دايما سفر.....ده البعد ذنب كبير لا يغتفر ..........ليه يا حبيبي مابينا دايما بحور اعدي بحر الاقي غيره اتحفر بحر الحياه مليان بغرقي الحياه......صرخت خش الموج في حلقي ملاه ..قارب نجاه... صرخت قالوا مفيش غير بس هو الحب قارب نجاه ........................وعجبي!
الاشتراك في:
الرسائل (Atom)


